Шупашкарта И.Я.Яковлев çуралнăранпа 160 çул çитнине анлăн паллă
турĕç. Патриарха халалланă чаплă пухăва Чăваш Ен халăхĕпе пĕрле
Тутарстан, Пушкăрт, Чĕмпĕр, Самар тата Мускав чăвашĕсен делегацийĕсем
те хутшăнчĕç. Пухăннисене ЧР Президенчĕ Н.В.Федоров хăй саламларĕ, уява
килнисене И.Я.Яковлевăн ĕçĕсене малалла тăсса пынăшăн чĕререн тав турĕ.
Шупашкара Иван Яковлевичăн кĕçĕн мăнукĕ (правнучка) те килни пурне те
савăнтарчĕ.