И.Я.Яковлев çуралнăранпа 160 çул çитнине халалланă уявра УОЧНКА председателĕ
В.И. Сваев Чĕмпĕр тăрăхĕнчи чăваш юхăмĕн 43 хастарне асăну медалĕпе чысланă. Мĕнле медаль вăл?
Ăна
И.Я. Яковлев
çуралнăранпа 160 çул çитнине халалласа хатĕрленĕ, вăл сарăрах тĕслĕ
металран. Медале кама парассине УОЧНКА президиумĕнче ака уйăхĕн
17-мĕшĕнче пăхса тухнă. Ăна илме тивĕçлисен шутĕнче - облаçре ĕçлесе
пурăнакан хастарсем: çыравçăсем, журналистсем, юрăçсем, тĕрлĕ шайри
пуçлăхсем, усламçăсем, вĕрентӳ ĕçченĕсем. Медалĕн Положенийĕ тăрăх, ăна чăваш наци культурине çĕклес тесе
нумай вăй хуракансене кăмăл-сипет енчен хавхалантарас тесе параççĕ.